Jafnréttisstefna Samkeppniseftirlitsins

Samkeppniseftirlitið hefur markað sér stefnu í jafnréttismálum, í því augnamiði að vinna gegn stöðluðum kynjamyndum, tryggja kynjajafnrétti í samræmi við ákvæði jafnstöðulaga og tryggja að allir starfsmenn sitji við sama borð óháð kynferði, kynþætti, trú og kynhneigð. 

Í jafnréttisstefnunni felst að jafnræðis skuli gætt við mannaráðningar, í ákvörðunum um laun og að tekið skuli tillit til fjölskyldu- og einkalífs starfsmanna m.a. með sveigjanlegum vinnutíma. Jafnframt felst í áætluninni að unnið skuli gegn stöðluðum kynjamyndum með samþættingu kynjasjónarmiða, kynhlutlausum viðmiðum og virðingu í framkomu.

Skýrlega kemur fram í jafnréttisáætlun Samkeppniseftirlitsins að hvorki kynbundin áreitni né kynferðisleg áreitni verði liðin innan stofnunarinnar. Sama máli gegnir um einelti, sjá nánar í Jafnréttisstefnu Samkeppniseftirlitsins (pdf - opnast í nýjum glugga).