Yfirtaka Arion banka hf. á eignum þrotabús Sigurplasts ehf.

• Sækja skjal
• Málsnúmer: 7/2011
• Dagsetning: 15/2/2011
• Fyrirtæki:
  • Arion banki hf.
• Atvinnuvegir:
  • Neysluvörur, rekstrarvörur o.fl.
  • Iðnaðarframleiðsla, ekki tilgreind annars staðar
• Málefni:
  • Samrunamál
• Reifun

  Arion banki tók yfir eignir þrotabús Sigurplast sem starfað hefur við framleiðslu á ýmsum plastvörum. Það var niðurstaða Samkeppniseftirlitsins að yfirtakan raskaði samkeppni og að nauðsynlegt væri að setja samrunanum skilyrði. Féllust samrunaaðilar á að hlíta þeim skilyrðum sem sett eru fram í ákvörðuninni. Um er að ræða ítarleg skilyrði, sem miða að því að draga úr samkeppnisröskun sem stafað getur af eignarhaldi bankans á fyrirtækinu. Hefur Arion bani fallist á að hlíta þeim skilyrðum sem sett eru fram í ákvörðuninni, með undirritun sáttar. Við vinnslu málsins hefur einnig verið höfð hliðsjón af kvörtunum og ábendingum sem Samkeppniseftirlitinu hafa borist.

  Á meðal skilyrða má nefna að lögð er sú skylda að selja Sigurplast eins fljótt og auðið er. Jafnframt er mælt fyrir um ýmis skilyrði sem ætlað er að koma í veg fyrir mögulega samhæfingu í viðskiptastefnu atvinnufyrirtækja undir yfirráðum Arion banka og tryggja að þau starfi áfram sem sjálfstæðir keppinautar á markaði.