Leit í úrlausnum: sláið inn efnisorð og/eða veljið úr valmyndinni hér fyrir neðan.

Úrlausnir

Ákvarðanir

Málsnúmer 11/2015 Sækja skjal
Heiti Brot Byko ehf. á 10. gr. samkeppnislaga
Dagsetning 15/5/2015
Fyrirtæki
  • Húsasmiðjan hf.
  • Byko hf.
  • Steinullarverksmiðjan hf
Atvinnuvegir
  • Byggingarþjónusta
  • Framleiðsla á byggingarefnum
Málefni
  • Ólögmætt samráð
Reifun

Með ákvörðun Samkeppniseftirlitsins nr. 11/2015, sem birt er í dag, er komist að þeirri niðurstöðu að Byko hafi brotið gegn samkeppnislögum og EES-samningnum með umfangsmiklu ólögmætu samráði við gömlu Húsasmiðjuna á því tímabili sem rannsóknin tók til, þ.e. til mars 2011 þegar rannsóknin hófst. Í því samráðsbroti Byko fólst m.a.:

Reglubundin, yfirleitt vikuleg, samskipti við gömlu Húsasmiðjuna um verð, birgðastöðu o.fl. í því skyni að hækka verð/vinna gegn verðlækkunum á svonefndum grófvörum (grófvörur eru t.d. timbur, steinull og stál).

Samráð við gömlu Húsasmiðjuna um að hækka verð í öllum tilboðum á grófvöru í áföngum.

Samráð við gömlu Húsasmiðjuna um að vinna gegn verðsamkeppni í sölu á gagnvörðu timbri (pallaefni) á aðalsölutíma þeirrar vöru og reyna þess í stað að hækka verð.

Samráð við gömlu Húsasmiðjuna um að hækka verð á miðstöðvarofnum.

Að hafa gert sameiginlega tilraun með gömlu Húsasmiðjunni til að fá Múrbúðina til að taka þátt í samráði um verð á grófvöru og með því að hafa ákveðið með Húsasmiðjunni að fylgjast með aðgerðum Múrbúðarinnar á markaðnum.


Þann 3. nóvember 2015 komst Persónuvernd að þeirri niðurstöðu, í máli nr. 2015/920, að Samkeppniseftirlitinu bæri að afmá nafn tiltekins einstaklings úr ákvörðun sinni nr. 11/2015, Brot Byko á 10. gr. samkeppnislaga. Samkeppniseftirlitið hefur til skoðunar hvaða þýðingu úrskurður Persónuverndar hefur fyrir birtingu annarra nafna í ákvörðuninni. Úrskurður Persónuverndar byggir á tilvikabundnu mati og mælir ekki fyrir um afdráttarlaus viðmið í þeim efnum. Á meðan ekki hefur verið tekin afstaða til þessa hefur ákvörðunin sem birt er hér ekki að geyma nöfn einstaklinga.


Staða máls

Áfrýunarnefnd samkeppnismála

Úrskurðir

Hæstiréttur

Dómur

Enginn dómur finnst

Til baka






Tungumál




Áskrift

Póstlisti Samkeppniseftirlitsins