Leit í úrlausnum: sláið inn efnisorð og/eða veljið úr valmyndinni hér fyrir neðan.

Úrlausnir

Ákvarðanir

Málsnúmer 12/2017 Sækja skjal
Heiti Kaup Almenna leigufélagsins ehf. á BK eignum ehf.
Dagsetning 28/3/2017
Fyrirtæki
  • Almenna Leigufélagið ehf.
  • BK eignir ehf.
Atvinnuvegir
  • Sérfræðiþjónusta og önnur þjónusta
  • Fasteignasala
Málefni
  • Samrunamál
Reifun

Samkeppniseftirlitið hefur haft til rannsóknar yfirtöku Almenna leigufélagsins á BK eignum ehf. Starfsemi þessara fyrirtækja felst í fjárfestingum og útleigu á íbúðum á almennum leigumarkaði. Það er niðurstaða Samkeppniseftirlitsins að ekki séu forsendur til íhlutunar í samrunann á grundvelli samrunaákvæða samkeppnislaga. Eftirlitið hefur birt ákvörðun þessa efnis í dag, nr. 12/2017 Kaup Almenna leigufélagsins ehf. á BK eignum ehf.  

Rekstraraðili hins sameinaða félags er fjármálafyrirtækið Gamma og er félagið stærsta fyrirtæki sinnar tegundar á höfuðborgarsvæðinu með rösklega 1.000 íbúðir í eignasafni sínu. Ennfremur á fyrirtækið nokkurn fjölda íbúða á landsbyggðinni, einkum á Suðurnesjum.  Ætla má að félagið fari með um 5-10% íbúðarhúsnæðis í almennri leigu á höfuðborgarsvæðinu og milli 10-15% á Suðurnesjum, þ.e. ef leiguíbúðir í eigu einstaklinga og minni aðila eru taldar með.  

Þrátt fyrir framangreinda niðurstöðu telur Samkeppniseftirlitið rétt að vekja athygli á auknu vægi sérhæfðra leigufélaga á markaði fyrir útleigu á íbúðarhúsnæði á höfuðborgarsvæðinu og Suðurnesjum. Í ákvörðuninni er leitt að því líkum að fasteignafélög eigi allt að 40% íbúðarhúsnæðis í almennri útleigu á höfuðborgarsvæðinu, en aðrar eignir eru í eigu einstaklinga og minni leigufélaga.  Á Suðurnesjum eiga fasteignafélög á milli 70-80% íbúðarhúsnæðis í almennri leigu, á móti 20-30% sem er í eigu einstaklinga og minni aðila.  

Að mati Samkeppniseftirlitsins er full ástæða þess að gefa þessari þróun sérstakan gaum. Þótt líklegt sé að lítið framboð á leiguhúsnæði og stóraukin eftirspurn ráði miklu um hækkandi fasteigna- og leiguverð nú um stundir, getur aukin samþjöppun á markaðnum leitt til minnkandi samkeppni til lengri tíma, leigutökum til tjóns. 

Í ákvörðuninni er tekið fram að frekari samþjöppun í þessari atvinnustarfsemi muni að líkindum kalla á ítarlegar rannsóknir af hálfu Samkeppniseftirlitsins. Full ástæða er hins vegar til þess fyrir önnur stjórnvöld sem að þessu koma að meta stöðuna og huga að stjórntækjum á sínum vettvangi.

Staða máls

Áfrýunarnefnd samkeppnismála

Úrskurðir

Engir úrskurðir finnast

Héraðsdómur

Dómur

Enginn dómur finnst

Hæstiréttur

Dómur

Enginn dómur finnst

Tengt efni

Fréttir og tilkynningar

Skýrslur

Engar skýrslur finnast

Kynningar

Engar kynningar finnast

Til baka






Tungumál




Áskrift

Póstlisti Samkeppniseftirlitsins