Purchase of M-veitingar ehf by Kaupfélag Skagfirðinga svf.

Samkeppniseftirlitið hafði til skoðunar kaup Kaupfélags Skagfirðinga svf. á öllu hlutafé M-veitinga ehf. Starfsemi KS er víðtæk og tengist m.a. sjávarútvegi, vinnslu kjöt- og mjólkurafurða, fóðurframleiðslu, verslunarrekstri, rekstri bíla- og vélaverkstæðis, ásamt vöruflutningum. M-veitingar reka tvo veitingastaði, annan í Reykjavík en hinn í Kópavogi, undir vörumerkinu Metro

Eftir rannsókn málsins var það mat Samkeppniseftirlitsins að með samrunanum yrði hvorki til markaðsráðandi staða sameinaðs fyrirtækis né styrking á slíkri stöðu. Þá væru engar vísbendingar um að kaup KS á M-veitingum leiddu til þess að samkeppni raskaðist að öðru leyti með umtalsverðum hætti. Ekki væru því forsendur til þess að aðhafast vegna samrunans.