Kvörtun Hreyfils vegna Ríkisspítalanna.

Kvartað var yfir því að Ríkisspítalarnir hefðu synjað Hreyfli um leyfi til að setja upp síma með beinlínusambandi í andyri Landspítalans á meðan keppinautur Hreyfils njóti slíks sambands, en sá aðili hafði aksturssamning við Ríkisspítalana.

Það var mat samkeppnisráðs að með því að neita öðrum leigubifreiðastöðvum um að setja upp beintengda síma í anddyrum sjúkrahúsa, en þeirri stöð sem gert hefur samning við Ríkisspítalana um flutning á starfsfólki o.fl., væru Ríkisspítalarnir að mismuna leigubílastöðvum í að ná til viðskiptavina. Var þessi samkeppnislega mismunun talin óeðlileg með vísan til markmiðs samkeppnislaga, sbr. 1 gr. samkeppnislaga, ekki síst þar sem um opinbera stofnun væri að ræða.