Samruni Glitnis banka hf. og Moderna Finance AB

Þann 30. mars barst Samkeppniseftirlitinu tilkynning vegna samruna Glitnis banka hf. (hér eftir Glitnir) og Moderna Finance AB (hér eftir Moderna). Fullnægði tilkynningin skilyrðum samkeppnislaga og reglna No. 684/2008 um tilkynningu samruna en félögum sem ekki starfa á sömu mörkuðum er heimilt að skila styttri tilkynningu skv. 6. mgr. 17. gr. a samkeppnislaga vegna samruna.

Glitnir banki var tekinn yfir með ákvörðun Fjármáleftirlitsins þann 7. október 2008. Rekstur félagsins felst nú skv. samrunaskrá í því að koma eignum félagsins í verð en allur hefðbundinn bankarekstur var færður í annað félag. Moderna er skráð í Svíþjóð en eignarhlutir félagsins í þremur félögum sem starfa á Íslandi koma til skoðunar í ákvörðun þessari. Þar er um að ræða eignarhluti í Öskum Capital hf., Avant hf. og Sjóvá-Almennum tryggingum hf.. Avant er að fullu í eigu Aska Capital.