A joint project by Samherji Íslands hf., HB Grandi hf., Vísir hf. and Þorbjörn hf. for the production of collagen

Samkeppniseftirlitið hefur haft til skoðunar sameiginlegt verkefni Samherja Íslands hf., HB Granda hf., Vísis hf. og Þorbjarnar hf. um framleiðslu á kollagen úr fiskroði og beinum. Hið sameiginlega verkefni felur í sér samruna í skilningi, sbr. d-lið 1. mgr. 17. gr. samkeppnislaga. Að mati samrunaaðila þá uppfyllir Collagen ehf. skilyrði til þess að teljast sjálfstæð efnahagsleg eining. Verksmiðju Collagen ehf. sé ætlað að starfa í sérstöku húsnæði óháð eigendum og að félaginu verði skipuð sjálfstæð stjórn. Þá muni Collagen ekki taka yfir neina starfsemi sem fram fari á vegum eigenda félagsins og að allar ákvarðanir um rekstur og stefnu félagsins verði teknar með sjálfstæðum hætti. Samkeppniseftirlitið telur að ekki sé ástæða til að aðhafast vegna þessa samruna á grundvelli 17. gr. samkeppnislaga.