Purchase of a stake in Íslandshótel hf. by S38 slhf.

Samkeppniseftirlitið hefur haft til skoðunar fjárfestingu S38 slhf. í Íslandshótelum. Um tilkynningarskyldan samruna er að ræða þar sem að fjárfestingin leiðir til breytinga á yfirráðum á þann hátt að S38 verður sameiginlega með yfirráð yfir Íslandshótelum ásamt einkafjárfesti. Íslandshótel hefur með höndum hótelrekstur víðsvegar um landið og er einn umsvifamesti aðilinn á þeim markaði. Gögn málsins sýna fram á að margir aðilar starfa á umræddum markaði og er markaðsráðandi staða ekki að myndast eða slík staða að styrkjast, þá kemur samruninn ekki til með að leiða til aukningar á samþjöppun á markaðnum, þar sem S38 stundar ekki starfsemi á honum fyrir samrunann. Að undangenginni rannsókn Samkeppniseftirlitsins er það niðurstaðan að ekki sé ástæða til að aðhafast vegna þessa samruna.