Samruni Regins hf. og Summit ehf.

Um er að ræða samruna Regins hf. og Summit ehf. sem varð til við kaup Regins á Summit. Bæði félögin starfa við útleigu á atvinnuhúsnæði. Það er mat Samkeppniseftirlitsins að samruninn muni ekki hafa skaðleg áhrif á samkeppni. Reginn er eitt nokkurra stórra fasteignafélaga á markaði fyrir útleigu atvinnuhúsnæðis en ekki markaðsráðandi, hvorki fyrir né eftir samruna við Summit. Því er ekki talin ástæða til að aðhafast frekar vegna samrunans.