Merger of Advania Holding hf. and Wise lausna ehf.

Samkeppniseftirlitið hefur haft til umfjöllunar samruna Advania Holding hf. og Wise lausna ehf. Undir meðferð málsins ákváðu samrunaaðilar að draga samrunatilkynningu sína til baka. Þannig ákváðu samrunaaðilar að láta ekki reyna frekar á hvort samruninn gæti náð fram að ganga, eftir að Samkeppniseftirlitið hafði kynnt þeim frummat sitt á mögulegum áhrifum samrunans. Greindu samrunaaðilar og Samkeppniseftirlitið opinberlega frá þessum málalyktum þann 18. júní 2019. Vegna afturköllunar á samrunatilkynningu kom ekki til þess að eftirlitið þyrfti að taka endanlega afstöðu til áhrifa samrunans og eru því ekki efni til að aðhafast frekar í málinu.