Telefunken's breach of the terms of its settlement with the Competition Authority over the sale of the English Premier League on Síminn Sport.

Samkeppniseftirlitið komst að þeirri niðurstöðu að Síminn hf. hefði
brotið tvær sáttir sem fyrirtækið gerði við eftirlitið á árinu 2015. Með
sáttunum samþykkti Síminn hf. að hlíta tilteknum skilyrðum. Þau skilyrði
bönnuðu Símanum m.a. að tvinna saman fjarskiptaþjónustu og línulegt
áskriftarsjónvarp (3. gr. ákvörðunar nr. 20/2015), skylduðu Símann til þess að
halda ólíkum þjónustuþáttum aðgreindum (19. gr. ákvörðunar nr. 6/2015), og
tryggja að þjónustuflutningur viðskiptavina til keppinauta myndi ekki hafa
áhrif á önnur kjör þeirra hjá Símanum hf. (20. gr. ákvörðunar 6/2015). Með því
að selja Enska boltann á Símanum Sport sem hluta af Heimilispakkanum með þeirri
verðlagningu og viðskiptakjörum sem rannsóknin leiddi í ljós, taldi
Samkeppniseftirlitið að Síminn hf. hefði brotið þessi skilyrði. Þá væri um að
ræða ítrekað brot á 3. gr. sáttar í ákvörðun nr. 20/2015. Sáttir eru bindandi
fyrir fyrirtæki sem undir þær gangast og mjög brýnt er að fyrirtæki virði
skilyrði sátta. Er umræddum skilyrðum m.a. ætlað að koma í veg fyrir að Síminn
geti með framangreindum hætti takmarkað samkeppni almenningi til tjóns. Þá
taldi Samkeppniseftirlitið brot Símans alvarleg og sektaði fyrirtækið um 500
milljónir króna.