Samruni Samhentra Kassagerðar ehf. og Vörumerkingar ehf.

Samkeppniseftirlitið hefur haft til skoðunar samruna Samhentra Kassagerðar ehf. og Vörumerkingar ehf. Samhentir er félag sem starfar á markaði fyrir sölu og framleiðslu á umbúðum o.fl. Vörumerking sérhæfir sig í merkingum hvers konar og prentun á pappír, plastefni, límmiða og álfilmur. Í kjölfar samrunans mun Samhentir eiga 51% í Vörumerkingu og Vörumerking Prentsmiðja ehf. mun eiga 49% hlut í félaginu. Vegna þeirra samkeppnislegu vandkvæða sem samruninn hafði í för með sér taldi Samkeppniseftirlitið tilefni til íhlutunar. Lauk málinu með sátt aðila þar sem samrunaaðilar gengust undir þau skilyrði sem birt eru í ákvörðunarorðum.