Kaup Haga hf. á Íshöfn ehf.

Nýverið keyptu Hagar hf. sem reka verslanirnar Bónus, Hagkaup, 10-11, Útilíf, Zara, Debenhams og TopShop, fyrirtækið Íshöfn ehf., sem rekur verslanirnar Oasis, Coast og Changes. Um samruna er að ræða í skilningi samkeppnislaga. Samkeppniseftirlitið telur að ekki myndist markaðsráðandi staða á skilgreinum mörkuðum í kjölfar samrunans eða að slík staða styrkist. Hagar séu að hefja rekstur á verslunum sem starfa á mörkuðum sem fyrirtækið hefur að óverulegu leyti starfað á áður og nokkur samkeppni ríkir á. Samkeppniseftirlitið telur ekki ástæðu til að hafast að vegna samrunans.