Purchase by Horns III Ltd. of all shares in Hagvagnar hf., Hópbílar hf. and Hvaler hf.

Samkeppniseftirlitið hefur haft til umfjöllunar kaup Horns III slhf.  á öllum hlutum í Hagvögnum hf., Hópbílum hf. og Hvaleyri hf. Helsta starfsemi þessa félaga er rekstur hópbifreiða undir vörumerkinu Hópbílar. Starfsemi Horns III felst í fjárfestingum í hlutabréfum og öðrum fjármálagerningum, lánastarfsemi tengdri fjárfestingum og tengdum rekstri. Félagið er framtakssjóður sem stofnaður er af Landsbréfum hf., dótturfélagi Landsbankans hf. Rannsókn Samkeppniseftirlitsins leiddi í ljós að engin samþjöppun á sér stað á skilgreindum markaði þessa máls í kjölfar samrunans. Sett hafa verið skilyrði í málinu sem ætlað er að tryggja samkeppnislegt sjálfsstæði framangreindra félaga gagnvart Landsbankanum. Í skilyrðum er einnig mælt fyrir um tiltekna meðferð upplýsinga gagnvart þeim aðilum sem eiga hluti í fleiri en einu fyrirtæki á markaðnum.  Að undangenginni rannsókn er það niðurstaða eftirlitsins að umrædd skilyrði leysi þá samkeppnisbresti sem ella hefðu stafað af samrunanum.