Ósk um undanþágu frá bannákvæðum samkeppnislaga til að gefa út sameiginlegan hámarksökutaxta fyrir bifreiðastjóra sem aka frá leigubifreiðastöðinni Aðalbílum, Reykjanesbæ.

Heimild fyrir Aðalbíla, Reykjanesbæ, til að gefa  út hámarksökutaxta. Í ákvörðun þessari veitir Samkeppniseftirlitið Ný-ung ehf. sem rekur leigubifreiðastöðina Aðalbíla, Reykjanesbæ, heimild til útgáfu á hámarksökutöxtum fyrir bifreiðastjóra sem reka leigubifreiðar frá bifreiðastöð félagsins. Heimildin er veitt til eins árs og bundin tilteknum skilyrðum.


Ákvörðunin kemur í framhaldi af ákvörðun Samkeppniseftirlitsins, nr. 4/2006 Afnám á hámarksökutöxtum leigubifreiða sem Bandalag íslenskra leigubifreiðastjóra gefur út, sem birt var 7. febrúar 2006, og ákvörðun nr. 15/2006 þar sem gildistöku fyrrnefndrar ákvörðunar nr. 4/2006 var frestað til 30. júní 2006, ákvörðunum nr. 23/2006 og 25/2006 sem birtar voru 30. júní og 4. júlí sl. þar sem leigubifreiðastöðvunum Hreyfli og BSR var veitt samskonar heimild og Aðalbílum hefur nú verið veitt.