Request from Olíudreifing ehf. and Skeljungur hf. for an extension of the exemption for the collection and disposal of waste oil

Samkeppniseftirlitið hefur haft til skoðunar beiðni Skeljungs hf. og Olíudreifingar ehf. um að undanþága sem Samkeppniseftirlitið veitti á grundvelli ákvæðis 15. gr. samkeppnislaga með ákvörðun nr. 24/2013, Ósk umhverfis- og auðlindaráðuneytisins um undanþágu frá 10. gr. samkeppnislaga nr. 44/2005 vegna samstarfs félaganna um söfnun og förgun á úrgagnsolíu, yrði framlengd. Að mati Samkeppniseftirlitsins hafa þær forsendur sem lágu til grundvallar veitingu undanþágu með ákvörðun nr. 24/2013 ekki breyst og eru skilyrði 15. gr. samkeppnislaga enn uppfyllt í málinu. Fellst Samkeppniseftirlitið því á að framlengja umrædda undanþágu til 30. nóvember 2023 með sömu skilyrðum og sett voru með hinni fyrri ákvörðun.