Erindi Félags hópferðaleyfishafa vegna ríkisstyrkja til sérleyfishafa

Erindi barst frá
Félagi hópferðaleyfishafa vegna meintrar mismununar í starfsskilyrðum
hópferðaleyfishafa annars vegar og sérleyfishafa hins vegar vegna aukinna
ríkisstyrkja til þeirra síðarnefndu. Samkeppnisráð gerði ekki
athugasemdir við þessa framkvæmd að gefinni þeirri forsendu að sérleiðir væru
ekki styrktar umfram það sem nemur mismuninum á tekjum og gjöldum og að
bókhaldi vegna mismunandi leyfa yrði haldið aðskildu hjá leyfishöfum.

Með úrskurði
í máli nr. 6/2002 vísaði áfrýjunarnefnd kæru kvartanda frá.