Exemption for cooperation between payment service providers on the development of a solution for non-conformity with standards

Samkeppniseftirlitið hefur í dag heimilað Valitor, Borgun og KORTU að eiga með sér afmarkað samstarf um þróun úrlausnar vegna notkunar greiðslukorta í vefviðskiptum í íslenskum krónum. Með samstarfinu er stefnt að því að þróa verklagslausn sem leyst getur úr misræmi í fjölda aukastafa milli staðla hinna alþjóðlegu kortafélaga annars vegar og ISO 4217 staðalsins svonefnda hins vegar.

Samkeppniseftirlitið hefur sett samstarfinu tiltekin skilyrði sem einkum er ætlað að tryggja að samstarfið haldist innan þess ramma sem helgast af tilgangi þess og að úrlausnin verði öllum færsluhirðum aðgengileg, hvar í landi sem þeir starfa.