The purchase of Birtingur Publishing Company Ltd. by Pressan ehf.

Samkeppniseftirlitið hefur haft til umfjöllunar samruna Pressunnar ehf. og Birtings útgáfufélags ehf. Um er að ræða samruna sem fellur undir bæði samrunaákvæði samkeppnislaga nr. 44/2005 og 62. gr. b fjölmiðlalaga nr. 38/2011. Pressan starfar aðallega á mörkuðum fyrir vefmiðla/fréttamiðlun á netinu og sölu auglýsinga á vefmiðlum annars vegar og fyrir útgáfu dagblaða og sölu auglýsinga í dagblöðum hins vegar. Birtingur starfar á markaði fyrir útgáfu tímarita og sölu auglýsinga í tímaritum. 

Um er að ræða samsteypusamruna þar sem Pressan kaupir allt hlutafé í Birtingi. Að undangenginni rannsókn og með hliðsjón af gögnum málsins er það mat Samkeppniseftirlitsins að samruninn hindri ekki virka samkeppni á mörkuðum málsins og leiði ekki til myndunar eða styrkingar á markaðsráðandi stöðu. Þá leiðir samruninn ekki til þess að samkeppni, fjölræði eða fjölbreytni á markaði raskist að öðru leyti með umtalsverðum hætti. Því eru ekki forsendur til að aðhafast vegna samrunans á grundvelli 17. gr. c samkeppnislaga nr. 44/2005