Samruni NBI hf. og Avant hf.

NBI er viðskiptabanki sem m.a. fjármagnar kaup á bifreiðum og atvinnufyrirtækjum. Fer sú starfsemi að meginstefnu til fram í gegnum dótturfélag bankans SP-fjármögnun. Avant var virkt fyrirtæki í sömu starfsemi en undanfarin misseri hefur markaðssókn Avant verið hætt og felst starfsemi félagsins fyrst og fremst í innheimtu útistandandi krafna. Jókst markaðshlutdeild NBI nokkuð við samrunann miðað við útistandandi kröfur og fjölda veittra bílalána. Samkeppniseftirlitið telur að við samrunann myndaðist hvorki né styrktist markaðsráðandi staða en á markaðnum væru fyrir ýmis mismunandi félög. Telur stofnunin ekki ástæðu til þess aðhafast vegna samrunans.