Purchase of Formar Ltd by Samhentra Packaging Ltd

Í samrunaskrá kemur fram að Samhentir Kassagerð hf. sé þjónustufyrirtæki sem bjóði upp á heildarlausnir í umbúðum og öðrum rekstrarvörum. Fyrirtækið starfi á umbúðamarkaði og tengdri þjónustu þar sem fyrirtækið flytji inn og selji umbúðir, rekstrarvörur og pökkunarvélar fyrir sjávarútveg, iðnaðarframleiðendur, heildsala og endursöluaðila. Starfsemi Formar ehf. felst í framleiðslu og markaðssetningu á umbúðum úr frauðplasti (e. expanded polystyrene (EPS)) fyrir flutning á sjávarfangi annars vegar og húseinangrun úr frauðplasti (EPS) hins vegar. Samandregið er það niðurstaða Samkeppniseftirlitsins að ekki séu forsendur til íhlutunar vegna samrunans.