Erindi Fréttavefs Suðurlands ehf. vegna leigu Samtaka sunnlenskra sveitarfélaga á léninu sudurland.is til Sunnlenska fréttablaðsins og Eyjafrétta

Samkeppniseftirlitið beindi þeim tilmælum til SASS, Samtaka sunnlenskra sveitarfélaga, að samtökin ráðstöfuðu léni sínu, www.sudurland.is, með opinberu útboði á léninu eða ráðstöfuðu því á annan málefnalegan og gagnsæjan hátt sem ekki mismuni keppinautum á markaði, ef samtökin hefðu vilja til þess að ráðstafa léni samtakanna til afnota fyrir keppinauta á sviði frétta-, upplýsinga- og auglýsingamiðlunar. SASS hefur leigt tilteknum aðilum umrætt lén frá árinu 2005 og rennur leigusamningurinn út síðar á þessu ári.