Rit Samkeppniseftirlitsins um dagvöruverð á Íslandi, þróun og í alþjóðlegum samanburði

Í umræðuskjali Samkeppniseftirlitsins kemur fram að matvöruverð á Íslandi er meðal þess hæsta í Evrópu. Verðhækkanir á matvöru hafa verið meiri á Íslandi en í nágrannalöndum undanfarin ár. Frá árinu 2020 hefur matvöruverð hér á landi hækkað umtalsvert meira en í Svíþjóð, Finnlandi, Danmörku og Noregi. Þróunin hefur verið sérstaklega áberandi frá árinu 2022 þegar verð á ýmsum vöruflokkum tók að hækka hraðar en áður. Kjöt hefur til að mynda hækkað meira en flestir aðrir vöruflokkar, mjólkurvörur hafa hækkað nokkuð umfram matvöru í heild og sykur og sætindi hafa einnig tekið verulegum verðhækkunum, meðal annars í tengslum við hækkun hrávöruverðs á heimsmarkaði.