Kaup Ölgerðar Egils Skallagrímssonar ehf. á Mjöll-Frigg ehf.

Þann 28. nóvember 2011 barst Samkeppniseftirlitinu tilkynning um kaup Ölgerðar Egils Skallagrímssonar ehf. á öllu hlutaféi Mjallar Frigg ehf. Í tilkynningunni kom fram að kaupin myndu eiga sér stað í tveimur þrepum, fyrst væri keypt 51% hlutafjár og eigi síðar en 1. mars 2014 væri 49% hlutafjár keypt. Auk þess kom fram að samrunaaðilar teldu að samruninn hefði engin skaðleg áhrif á samkeppni. Um væri að ræða markað fyrir hreingerningarvörur, samkeppnisaðilar væru fjölmargir og öflugir og aðgangshindranir litlar sem engar. Samkeppniseftirlitið telur að ekki sé ástæða til að aðhafast frekar vegna umrædds samruna á grundvelli 17. gr. samkeppnislaga nr. 44/2005.