7. April 2006
Morgunáðstefna Samkeppniseftirlitsins um fákeppni í smærri hagkerfum fór fram í dag á Hótel Nordica. Valgerður Sverrisdóttir iðnaðar- og viðskiptaráðherra setti ráðstefnuna en frummælendur voru þeir John Kallaugher, lögmaður og gestaprófoessor við University College London og Friðrik Már Baldursson prófessor við viðskipta- og hagfræðideild Háskóla Íslands. Auk frummælendanna fluttu forstjórar fjögurra norrænna samkeppniseftirlita erindi, þeir Claes Norgren frá Svíþjóð, Finn Lauritzen frá Danmörku, Knut Eggum Johansen frá Noregi og Páll Gunnar Pálsson. Fundarstjóri var Gylfi Magnússon, dósent við viðskipta- og hagfræðideild HÍ og formaður stjórnar Samkeppniseftirlitsins.
Umræðuefni ráðstefnunar snérist fyrst og fremst um það hvernig stjórnvöld eigi að takast á við fákeppni í smærri hagkerfum. Varpað var fram eftirfarandi spurningum: Er þörf á strangari samkeppnisreglum í smærri hagkerfum þar sem samþjöppun er mikil og fákeppni algeng? Á að brjóta upp markaðsráðandi fyrirtæki? Er krosseignarhald fyrirtækja vandmál? Hver eru árangursríkustu tæki stjórnvalda til að takast á við afleiðingar aukinnar fákeppni? Hver er reynsla annarra ríkja? Hverjar eru áherslur Samkeppniseftirlitsins?
Ræður og glærur frummælenda og forstjóra samkeppniseftirlitanna má nálgast hér að neðan:
