Samkeppniseftirlitin í Danmörku, Noregi, Finnlandi og á Íslandi hafa hafið samstarf við Toulouse School of Economics (TSE) sem er ein fremsta hagfræðideild í heimi á sviði atvinnuvegahagfræði.
Með samstarfinu munu starfsmenn Samkeppniseftirlitsins fá aðgang að víðtækri þekkingu rannsakenda TSE í beitingu hagfræðilegra aðferða við úrlausn samkeppnismála. Samstarfið mun einnig fela í sér vinnustofur þar sem fjallað verður um álitaefni þvert á landamæri og fræðasvið.
Markmiðið með samstarfinu er að efla eftirlit með samkeppni og styrkja úrlausnir samkeppnisyfirvalda.
„Samstarf við háskólasamfélagið er Samkeppniseftirlitinu afar mikilvægt. Við hlökkum til að takast á við flókin hagfræðileg álitaefni með sumum af fremstu hagfræðingum heims og með því efla starf stofnunarinnar.“ Valur Þráinsson, aðalhagfræðingur Samkeppniseftirlitsins.
"*" indicates required fields
