Í fjölmiðlaumfjöllun vegna hópuppsagna hjá Berjaya Hotels Íslandi, í tengslum við mögulega yfirtöku Íslandshótela á rekstri hótela Berjaya, hefur m.a. komið fram að samkvæmt „reglum Samkeppniseftirlitsins“ geti Íslandshótel ekki rætt við starfsfólk sem sagt hefur verið upp störfum.
Af því tilefni vill Samkeppniseftirlitið árétta að ekkert í samrunaákvæðum samkeppnislaga kemur í veg fyrir að kaupendur hótela eða nýir rekstraraðilar taki einnig yfir ráðningarsambönd starfsfólks, endurráði starfsfólk eða gefi því að öðru leyti skýringar. Þá hefur Samkeppniseftirlitið ekki sett fyrirtækjum fyrirmæli um samskipti þeirra við starfsfólk í þessu máli.
Fyrirtæki þurfa þó ávallt að gæta að tilkynningarskyldu samkeppnislaga þegar breytingar verða á yfirráðum í atvinnurekstri. Yfirtakan hefur ekki verið tilkynnt Samkeppniseftirlitinu og ekki liggur fyrir á þessu stigi hvort um tilkynningarskyldan samruna sé að ræða.
"*" indicates required fields
