Samkeppniseftirlitið hefur í dag tekið ákvörðun til bráðabirgða vegna sennilegs brots Símans hf., Noona Labs ehf. og Noona Iceland ehf. á banni við því að framkvæma samruna áður en Samkeppniseftirlitið hefur tekið afstöðu til hans. Kaup Símans á öllu hlutafé Noona hafa verið tilkynnt Samkeppniseftirlitinu, en fullbúin tilkynning barst eftirlitinu þann 4. júlí sl. Athugun Samkeppniseftirlitsins á samrunanum er því nýhafin.
Að mati Samkeppniseftirlitsins gefa gögn og upplýsingar sem eftirlitið hefur undir höndum til kynna að samrunaaðilar hafi þegar hafið markaðssetningu gagnvart nýjum viðskiptavinum á grundvelli samrunans, en Síminn mun taka yfir allan innlendan rekstur Noona Labs með kaupum á Noona Iceland (hér eftir nefnd saman Noona). Gefa gögn jafnframt til kynna að Noona hafi náð til sín nýjum viðskiptavinum á grundvelli þessarar markaðssetningar.
In EU/EEA competition law and Icelandic law, emphasis is placed on the fact that merging companies do not carry out a merger until the competition authorities have had the opportunity to lawfully investigate its competitive effects. This is important because, by its very nature, damage can be caused to customers or competitors if a merger is carried out before the competition authorities have had an opportunity to intervene, if necessary.
Í bráðabirgðaákvörðuninni er mælt fyrir um skyldu Símans og Noona að láta af af allri markaðssetningu á grundvelli samrunans.
Með bráðabirgðaákvörðun þessari er leitast við að tryggja að framkvæmd samrunans sé stöðvuð á meðan eftirlitið fjallar um hann. Í framhaldinu mun Samkeppniseftirlitið taka hin sennilegu brot til nánari rannsóknar.
Rétt er að taka skýrt fram að í bráðabirgðaákvörðun þessari felst engin afstaða til kaupa Símans á Noona, þ.e. áhrifa kaupanna á samkeppni, en rannsókn á því er á fyrstu stigum, sbr. samrunatilkynningu þá sem Síminn hefur afhent Samkeppniseftirlitinu vegna samrunans, dags. 4. júlí 2024.
Bráðabirgðaákvörðunin gildir til 9. ágúst 2024. Hún er aðgengileg here .
Samkvæmt 3. mgr. 16. gr. samkeppnislaga nr. 44/2005 er Samkeppniseftirlitinu heimilt að taka ákvarðanir til bráðabirgða um einstök mál ef sennilegt þykir að sú háttsemi eða þær aðstæður sem til athugunar eru fari gegn ákvæðum samkeppnislaga eða ákvörðunum teknum á grundvelli þeirra. Skilyrði er að málið þoli ekki bið. Í slíkum ákvörðunum er því ekki lagt endanlegt mat á hvort um ólögmæta háttsemi sé að ræða.“
"*" indicates required fields
