Samkeppniseftirlitið heimilar samruna 365 miðla ehf. og IP-fjarskipta hf. með skilyrðum

Samkeppniseftirlitið hefur haft til rannsóknar samruna 365 miðla ehf. og IP-fjarskipta ehf., á grundvelli samrunatilkynningar sem eftirlitinu barst fyrr í haust. Í kjölfar viðræðna við samrunaaðila hafa 365 miðlar ehf. fallist á að hlíta tilteknum bindandi skilyrðum í starfsemi sinni í því skyni að draga úr hættunni á mögulegum samkeppnishamlandi áhrifum samrunans. 

Á þeim grunni hefur Samkeppniseftirlitið heimilað samrunann. Samkvæmt framangreindu hafa 365 fallist á að sæta eftirfarandi skilyrðum í starfsemi sinni: 

• Óheimilt er að gera það að skilyrði fyrir kaupum á þjónustu sem fyrirtækið veitir á fjölmiðlamarkaði að fjarskiptaþjónusta félagsins fylgi með í kaupunum. 

• Óheimilt að tvinna saman í sölu fjölmiðlaþjónustu fyrirtækisins og fjarskiptaþjónustu þess gegn verði eða viðskiptakjörum sem jafna má til slíks skilyrðis. Óheimilt er að gefa einstaka þjónustuþætti í heild sinni. 

• It is specified that the implementation and development of services in the mobile and television broadcasting market shall be completed no later than 1 April 2016, at which point the conditions shall take full effect in respect of those services. Otherwise, the conditions take effect immediately.

• Gæta skal gagnsæis í verðlagningu mismunandi þjónustuþátta fyrirtækisins. 

Framangreind skilyrði eru byggð á mati á samkeppnisaðstæðum á viðkomandi mörkuðum. Það mat byggir á gögnum og sjónarmiðum hjá fyrirtækjum og stjórnvöldum á fjölmiðla- og fjarskiptamörkuðum. Ennfremur var lagt mat á alþjóðlega þróun á fjölmiðlamarkaði, einkum hugsanlegra breytinga á markaði fyrir áskriftarsjónvarp. 

Samkeppniseftirlitið mun á næstunni birta á heimasíðu sinni ákvörðun um samrunann þar sem skilyrði fyrir honum verða skýrð nánar.