Misnotkun Securitas hf. á markaðsráðandi stöðu sinni

Í ákvörðun Samkeppniseftirlitsins, er komist að þeirri niðurstöðu að Securitas hf. hafi misnotað markaðsráðandi stöðu sína á markaði fyrir heildarþjónustu á sviði öryggisgæslu fyrir heimili og fyrirtæki. Brot Securitas fólst í því að fyrirtækið gerði einkakaupasamninga við viðskiptavini sína um svokallaða Heimavörn og Firmavörn, en samningarnir fólu í sér að viðskiptavinunum var óheimilt að eiga viðskipti við aðra þjónustuaðila um nokkurra ára skeið. Einnig voru í samningunum ákvæði sem voru til þess fallin að skapa aukna tryggð viðskiptavina við Securitas. Vegna þessara brota leggur Samkeppniseftirlitið 80 m.kr. stjórnvaldssekt á Securitas.