Samruni Ísmar ehf. og Fálkans hf

Samkeppniseftirlitið hefur haft til umfjöllunar samruna Ísmar ehf. og Fálkans hf. Samkvæmt samrunaskrá sérhæfir Ísmar sig í sölu og þjónustu á tækjabúnaði til hvers konar landmælinga, vélstýringa og lasertækni. Hvað varðar starfsemi Fálkans segir í samrunaskrá að það sérhæfi sig í bíla- og vélarhlutum, véltæknivörum og raftæknivörum og rekur verslun og þjónustuverkstæði að Dalvegi 10-14 í Kópavogi.

Að undangenginni rannsókn og með hliðsjón af gögnum málsins er það mat Samkeppniseftirlitsins að samruninn hindri ekki virka samkeppni og leiði þar af ekki til myndunar á markaðsráðandi stöðu. Þá leiðir hann ekki til þess að samkeppni á markaði raskist að öðru leyti með umtalsverðum hætti. Því eru ekki forsendur til að aðhafast vegna samrunans á grundvelli 17. gr. c. samkeppnislaga nr. 44/2005.