Erindi Halo ehf. vegna meintra brota Veðurstofu Íslands á samkeppnislögum

Erindi barst frá Halo ehf., hátæknifyrirtæki sem
m.a. þróaði veðurupplýsingakerfi, vegna samkeppnishindrana Veðurstofu Íslands.
Samkeppnisráð beindi þeim fyrirmælum til Veðurstofunnar að gæta þess að samningar hennar mismunuðu ekki aðilum með
ólíkum skilmálum í sams konar viðskiptum. Þetta ætti við um þá starfsemi
Veðurstofunnar sem teldist vera á samkeppnismarkaði þar sem ekki giltu um hana
sérlög eða reglur um heimild eða skyldu til slíkra athafna. Þá var mælt fyrir
um fjárhagslegan aðskilnað hjá Veðurstofunni.