Kaup Samkaupa hf. á rekstri verslana í eigu Krónunnar ehf. á Hellu og í Nóatúni

Með ákvörðun þessari eru heimiluð kaup Samkaupa hf. á rekstri og starfsemi verslana Krónunnar ehf. á Hellu annars vegar og í Nóatúni 17 í Reykjavík hins vegar. Með samrunanum hefur Festi hf., móðurfélag Krónunnar ehf., jafnframt fullnægt skyldu sinni samkvæmt sátt við Samkeppniseftirlitið um að selja verslun sína á Hellu vegna mikils markaðsstyrks félagsins á svæðinu og í því skyni að efla samkeppni á dagvörumarkaði, sbr. sátt við Samkeppniseftirlitið frá 30. apríl 2018 sem birt var með ákvörðun Samkeppniseftirlitsins nr. 8/2019, samruni N1 hf. og Festi hf.