Kaup Smiðjutorgs ehf. á hluta af eignum úr þrotabúi Kamba byggingarvara ehf

Í þessari ákvörðun er tekin afstaða til kaupa Smiðjutorgs ehf. á hluta af eignum úr þrotabúi Kamba byggingarvara ehf. Fyrirtækin starfa m.a. á byggingavörumarkaði við framleiðslu á gleri og við blikksmíði. Smiðjutorg er eignarhaldsfélag í eigu Stjörnublikks ehf. sem á og rekur blikksmiðju.

Kambar voru teknir til gjaldþrotaskipta þann 2. apríl 2025, en starfsemi félagsins hafði áður verið lögð af og hefur engin starfsemi verið í félaginu síðan.