Kaup Pennans ehf. á 100% eignarhlut í HB heildverslun ehf

Samkeppniseftirlitið hafði til skoðunar kaup Pennans á 100% eignarhlut í HB heildverslun. Var það mat Samkeppniseftirlitsins að samrunaaðilar starfi að litlu leyti á sama markaði og verði því lárétt samþjöppun vegna samrunans á mörkuðum málsins óveruleg. Var því ljóst að mati eftirlitsins að samruninn muni ekki styrkja markaðshlutdeild fyrirtækjanna með verulegum hætti eða leiða til annarrar röskunar á samkeppni. Þá var það mat eftirlitsins að ekki hafi verið til staðar miklar aðgangshindranir umfram þær sem almennar eru á markaðnum og samhliða innflutningur mögulegur.