Kaup Malbikunarstöðvarinnar Hlaðbæjar-Colas á tilteknum eignum Drafnarfells

Samkeppniseftirlitið hafði til skoðunar kaup Malbikunarstöðvarinnar Hlaðbæjar-Colas á tilteknum eignum verktakafyrirtækisins Drafnarfells sem snúa að fræsingu á malbiki. Það var mat eftirlitsins að samruninn gæti leitt til takmörkunar á samkeppni vegna mögulegrar útilokunar á markaðnum fyrir fræsingu. Samrunaaðilar undirgengust skilyrði með sátt við eftirlitið sem ætlað er að koma í veg fyrir skaðleg áhrif samrunans. Með undirritun sáttarinnar lauk rannsókn málsins.