Erindi Líkamsræktarstöðvarinnar hf. vegna rekstrar Íþróttamiðstöðvarinnar í Vestmannaeyjum

Verðlagning Íþróttamiðstöðvarinnar í Vestmannaeyjum
á þjónustu í samkeppni við Líkamsræktarstöðina var talin hafa skaðleg áhrif á
samkeppni. Samkeppnisráð beindi fyrirmælum um verðlagninguna: „Samkeppnisráð
mælir fyrir um að Íþróttamiðstöðin verðleggi þá þjónustu sem seld er í
samkeppni við Líkamsræktarstöðina hf. þannig að ekki verði um undirverðlagningu
að ræða sem hafi skaðleg áhrif á viðkomandi markaði. Samkeppnisþjónustuna skal
ekki verðleggja undir þeim kostnaði sem henni tengist, bæði breytilegum og
föstum kostnaði ásamt hlutdeild í sameiginlegum kostnaði. Við mat á kostnaði
skal m.a. hafa hliðsjón af fjárbindingu í tækjum og búnaði og reikna eðlilega
markaðsvexti af þeim. Ennfremur skal reikna með húsnæðiskostnaði í
verðlagningunni. Innheimta skal sérstaklega fyrir aðgang almennings að
ljósabekkjum, tækjasal og sundlaug.“