Samruni L1022 ehf., Arion banka hf., Lýsingar ehf. og Sementsverksmiðjunnar ehf.

Þann 7. október 2011 barst Samkeppniseftirlitinu tilkynning um samruna L1022 ehf., Arion banka hf., Lýsingar hf. og Sementsverksmiðjunnar ehf. Eigendahópur L1022 ehf., sem fer með yfirráð í félaginu, samanstendur af nokkrum fyrirtækjum og einstaklingum sem sum hver tengjast þeim markaði sem Sementsverksmiðjan starfar á og taldi Samkeppniseftirlitið því að grípa þyrfti til íhlutunar svo samruninn gæti átt sér stað. Í ákvörðun þessari er ekki að finna beina íhlutun, enda var sátt gerð í tengslum við ákvörðun eftirlitsins í máli nr. 9/2012, Yfirtaka BMV Holding ehf. á BM Vallá ehf., enda eigendahópur að mestu skipaður sömu aðilum og í því máli. Vísast til ákvörðunarorða þeirrar ákvörðunar í tengslum við mál þetta.