Samkeppniseftirlitið hefur haft til skoðunar samruna Atlantic Tank Storage ehf., Skeljungs hf. og Birgðarstöðvarinnar Miðsandi ehf. vegna sameiginlegra yfirráða Atlantic Tank Storage og Skeljungs í síðastnefnda félaginu en það félag á birgðageymslu í Hvalfirði. Hinn skilgreindi markaður í málinu var talin ná til leigu á olíubirgðarýmum á Íslandi til geymslu á olíu fyrir erlenda viðskiptavini sem stunda viðskipti með olíu á alþjóðlegum mörkuðum. Það var mat Samkeppniseftirlitsins að samruninn muni ekki hafa skaðleg áhrif á samkeppni. Var þá einkum litið til þess að markaðshlutdeild samrunaaðila er slík að samruninn hindrar ekki virka samkeppni á hinum skilgreinda markaði. Samkeppniseftirlitið taldi því ekki ástæðu til að aðhafast vegna þessa samruna á grundvelli 17. gr. samkeppnislaga.
