Samruni Advania hf. og Tölvumiðlunar ehf.

• Sækja skjal
• Málsnúmer: 31/2015
• Dagsetning: 27/10/2015
• Fyrirtæki:
  • Advania hf.
  • Tölvumiðlun ehf.
• Atvinnuvegir:
  • Fjarskipti, upplýsingatækni og fjölmiðlun
  • Upplýsingatækni og hugbúnaðarþjónusta
• Málefni:
  • Samrunamál
• Reifun

  Samkeppniseftirlitið hafði til skoðunar kaup Advania hf. á öllum hlutum í upplýsingatæknifyrirtækinu Tölvumiðlun ehf. Advania starfar einnig á upplýsingatæknimarkaði en meginstarfsemi Tölvumiðlunar er á sviði hugbúnaðarþróunar sem er undirmarkaður upplýsingatæknimarkaðar.
  
  Með samrunanum styrkir Advania stöðu sína á markaði hugbúnaðarþróunar að einhverju leyti en þó ekki að því marki að það hafi skaðleg áhrif á samkeppni á þeim markaði þar sem ekkert bendir til þess að markaðsráðandi styrkist eða verði til við samrunann. Þá raskar samruninn ekki samkeppni á markaðinum að öðru leyti með umtalsverðum hætti að mati Samkeppniseftirlitsins. Að undangenginni rannsókn er það niðurstaða Samkeppniseftirlitsins að ekki sé ástæða til íhlutunar vegna þessa samruna.