Leit í úrlausnum: sláið inn efnisorð og/eða veljið úr valmyndinni hér fyrir neðan.

Ákvarðanir

Kaup Límtrés Vírnets ehf. á öllum hlutum í Bindir og Stál ehf.

  • Sækja skjal
  • Málsnúmer: 10/2017
  • Dagsetning: 20/2/2017
  • Fyrirtæki:
    • Límtré Virnet ehf.
    • Bindir og Stál ehf.
  • Atvinnuvegir:
    • Byggingarþjónusta
    • Framleiðsla á byggingarefnum
  • Málefni:
    • Samrunamál
  • Reifun

    Samkeppniseftirlitið hefur haft til skoðunar samruna sem felur í sér að Límtré Vírnet ehf. (hér eftir Límtré Vírnet) kaupi allt hlutafé í Bindir & Stál ehf. (hér eftir Bindir og Stál). Límtré Vírnet er framleiðslu- og iðnfyrirtæki sem starfar á nokkrum undirmörkuðum alhliða byggingavörumarkaðar. Fyrirtækið stundar aðallega starfsemi á sviði utanhússklæðninga, innveggjastoða, hönnunar og framleiðslu á burðarvirki í límtré og steinullareiningum ásamt rekstri þjónustudeilda og innflutningi á stálgrindarburðarvirki og fleiri íhlutum í byggingarlausnum fyrir verktaka, endursöluaðila og einstaklinga. Bindir og Stál stundar aðallega starfsemi á sviði þjónustu við þann hluta byggingariðnaðarins sem snýr að burðarvirki í uppsteypu og tengdum hlutum, niðurklippingu og beygingu á kambstáli og sölu á ýmis konar tækjum og búnaði til járnavinnslu á byggingastöðum, ásamt viðgerðarþjónustu við þau tæki. 

    Að undangenginni rannsókn og með hliðsjón af gögnum málsins er það niðurstaða eftirlitsins að samruninn hindri ekki virka samkeppni á mörkuðum málsins og leiði ekki til myndunar eða styrkingar á markaðsráðandi stöðu. Því sé ekki ástæða til að aðhafast vegna þessa samruna á grundvelli 17. gr. c. samkeppnislaga nr. 44/2005.