Kaup Sjávargrundar ehf. á öllu hlutafé í Tandri hf.

Samkeppniseftirlitið hefur haft til skoðunar kaup Sjávargrundar ehf. á öllu hlutafé í Tandri hf. Starfsemi Tandurs felst í innflutningi, framleiðslu, sölu og dreifingu á hreinlætisvörum til fyrirtækja og stofnana um land allt. Samrunaaðilar starfa á ótengdum mörkuðum og eykur því hvorugur samrunaaðila við markaðshlutdeild sína né styrkir hana í kjölfar samrunans. Samkeppniseftirlitið telur að ekki sé ástæða til að aðhafast vegna þessa samruna á grundvelli 17. gr. samkeppnislaga.