Yfirtaka Vörðu Capital ehf. á Hugbúnaði hf. (Centara og Wise)

Samkeppniseftirlitið hafði til skoðunar yfirtöku Vörðu Capital ehf. á Hugbúnaði hf. Meginstarfsemi Vörðu Capital er viðskiptaráðgjöf og fjárfestingarstarfsemi en félagið á nokkurn fjölda dóttur- og hlutdeildarfélaga sem starfa á ólíkum mörkuðum. Hugbúnaður hf. á dótturfélögin Centara ehf. og Wise lausnir ehf. sem starfa bæði við þróun og sölu hugbúnaðar.

Það var mat Samkeppniseftirlitsins að samruninn leiddi ekki til röskunar á samkeppni þar sem samrunaaðilar starfa ekki á sama sviði og því eru lóðrétt og samsteypuleg áhrif samrunans takmörkuð.