Leit í úrlausnum: sláið inn efnisorð og/eða veljið úr valmyndinni hér fyrir neðan.

Ákvarðanir

Brot Íslandspósts ohf. á skilyrðum í ákvörðun nr.8/2017, Aðgerðir til að styrkja samkeppnisaðstæður á póstmarkaði

  • Sækja skjal
  • Málsnúmer: 10/2020
  • Dagsetning: 6/3/2020
  • Fyrirtæki:
    • Íslandspóstur ohf.
  • Atvinnuvegir:
    • Samgöngur og ferðamál
  • Málefni:
    • Markaðsyfirráð
  • Reifun

    Í ákvörðun þessari er gerð grein fyrir sátt sem eftirlitið hefur gert við Íslandspóst ohf. vegna brota fyrirtækisins á skilyrðum sem á félaginu hvíla á grundvelli ákvörðunar nr. 8/2017. Aðgerðir til að styrkja samkeppnisaðstæður á póstmarkaði.

    Með umræddri sátt gengst Íslandspóstur við því að hafa farið gegn fyrirmælum í sátt félagsins við Samkeppniseftirlitið frá árinu 2017 og er gert að greiða fimm milljónir króna í stjórnvaldssektir vegna þessa.

    Brot Íslandspósts tengjast fyrrum dótturfélagi þess, ePósti ehf., og fólust annars vegar í því að Íslandspóstur hafi ekki óskað eftir samþykki Samkeppniseftirlitsins áður en rekstur dótturfélagsins ePósts ehf. var færður inn í Íslandspóst og sameining félaganna komst til framkvæmda og hins vegar því að hafa látið hjá líða að endurskoða kjör á áður veittri lánsfjármögnun til ePósts, þrátt fyrir að ljóst hafi verið að kjörin voru undir markaðskjörum sem sambærileg fyrirtæki njóta.