Kaup Kaupfélags Skagfirðinga svf. á M-veitingum ehf.

• Sækja skjal
• Málsnúmer: 1/2021
• Dagsetning: 19/1/2021
• Fyrirtæki:
  • Kaupfélag Skagfirðinga svf.
  • M-veitingar ehf.
• Atvinnuvegir:
  • Matvörur
  • Neysluvörur, rekstrarvörur o.fl.
• Málefni:
  • Samrunamál
• Reifun

  Samkeppniseftirlitið hafði til skoðunar kaup Kaupfélags Skagfirðinga svf. á öllu hlutafé M-veitinga ehf. Starfsemi KS er víðtæk og tengist m.a. sjávarútvegi, vinnslu kjöt- og mjólkurafurða, fóðurframleiðslu, verslunarrekstri, rekstri bíla- og vélaverkstæðis, ásamt vöruflutningum. M-veitingar reka tvo veitingastaði, annan í Reykjavík en hinn í Kópavogi, undir vörumerkinu Metro

  Eftir rannsókn málsins var það mat Samkeppniseftirlitsins að með samrunanum yrði hvorki til markaðsráðandi staða sameinaðs fyrirtækis né styrking á slíkri stöðu. Þá væru engar vísbendingar um að kaup KS á M-veitingum leiddu til þess að samkeppni raskaðist að öðru leyti með umtalsverðum hætti. Ekki væru því forsendur til þess að aðhafast vegna samrunans.