Kaup Símans hf. á Radíómiðun-Ísmar ehf.

Síminn hf. keypti tiltekinn hluta rekstrar Radíómiðunar-Ísmar ehf. (Radíómiðun) í maí sl. Rekstur Radíómiðunar hefur í meginatriðum falist í endursölu á gerfihnattaþjónustu og sölu á fjarskiptabúnaði og fiskileitartækjum. Kaup Símans á Radíómiðun flokkast undir samruna í skilningi samkeppnislaga. Athugun Samkeppniseftirlitsins gefur ekki til kynna að samruninn muni hafa skaðleg áhrif á samkeppni. Því telur eftirlitið ekki ástæðu til að hafast að vegna hans.