Kaup Archer Norge AS og Kaldbaks ehf. á Jarðborunum hf.

Samkeppniseftirlitið hefur haft til umfjöllunar kaup Archer Norge AS og Kaldbaks ehf. á Jarðborunum hf. Archer Norge er norskt félag sem þjónustar olíu og gasiðnaðinn í Noregi. Kaldbakur er fjárfestingafélag í eigu Samherja hf. Jarðboranir starfa að mestu jarðboranir tengdar nýtingu auðlinda í jörðu til framleiðslu á endurnýjanlegri orku.

Að undangenginni rannsókn og með hliðsjón af gögnum málsins er það mat Samkeppniseftirlitsins að samruninn hindri ekki virka samkeppni og leiði þar af ekki til myndunar á markaðsráðandi stöðu. Þá leiðir hann ekki til þess að samkeppni á markaði raskist að öðru leyti með umtalsverðum hætti. Því eru ekki forsendur til að aðhafast vegna samrunans á grundvelli 17. gr. c. samkeppnislaga nr. 44/2005.