Samruni Nýja Kaupþings banka hf. og Exista Properties ehf. og kaup á tilteknum fasteignum Landic Íslands ehf.

• Sækja skjal
• Málsnúmer: 2/2009
• Dagsetning: 28/1/2009
• Fyrirtæki:
  • Kaupþing banki hf.
  • Exista Properties ehf.
  • Landic Íslands ehf.
• Atvinnuvegir:
  • Fjármálaþjónusta
• Málefni:
  • Samrunamál
• Reifun

  Þann 16. janúar sl. barst Samkeppniseftirlitinu styttri tilkynning vegna samruna Nýja Kaupþings banka hf.  og Exista Properties ehf. og kaupa á tilteknum fasteignum Landic Íslands ehf. í samræmi við ákvæði 17. gr. a samkeppnislaga nr. 44/2005. Það er niðurstaða Samkeppniseftirlitsins að kaupin feli í sér samruna í skilningi 17. Gr. samkeppnislaga og að samruninn falli undir samrunaeftirlit 17. gr. a laganna, þar sem veltuskilyrði eru uppfyllt. Þá fullnægði tilkynningin skilyrðum samkeppnislaga og reglna nr. 684/2008 um tilkynningu samruna en þar sem félögin starfa ekki á sömu mörkuðum var þeim heimilt að skila styttri tilkynningu skv. 6. mgr. 17. gr. a samkeppnislaga vegna samruna. Athuganir Samkeppniseftirlitsins gefa ekki til kynna að samruninn muni raska samkeppni og mun eftirlitið því ekki aðhafast frekar vegna samrunans á grundvelli 17. gr. c. samkeppnislaga.