Samruni Landsbréfa hf. og TF II slhf.

Samkeppniseftirlitið hefur haft til umfjöllunar breytingu á yfirráðum í framtakssjóðnum TF II slhf. (hér eftir „TF II“). Með rekstrarsamningi dags. 30. maí 2023 tók Landsbréf hf. (hér eftir „Landsbréf“) við sem rekstraraðili sjóðsins. Með breytingu á rekstraraðila fólust breyting á yfirráðum í TF II og því um tilkynningaskyldan samruna að ræða.

Rannsókn Samkeppniseftirlitsins leiddi í ljós að engin samþjöppun á sér stað á skilgreindum mörkuðum málsins í kjölfar samrunans.

Það var mat Samkeppniseftirlitsins að nauðsynlegt hafi verið að setja samrunanum skilyrði. Samkeppniseftirlitið gerði heildstæða sátt við Landsbréf í ákvörðun 25/2023 sem leysir þau samkeppnislegu vandkvæði sem einnig stafaði af þessum samruna og vegna þeirra íhlutunar Samkeppniseftirlitsins er ekki þörf á að hafast frekar að í þessu máli.